రంౙాన్ 2023

నిర్వహణ

శివునూరి లలితా కృష్ణ

వీరా గుడిపల్లి

**************

కవివరుల జాబితా

1. కోరాడ నరసింహారావు గారు 

2.వింజమూరి సూర్య లక్ష్మి గారు 

3.సింగీతం సంతోష్ కుమార్ గారు 

4.వీరా గుడిపల్లి

5.శివునూరి లలితా కృష్ణ 

6. ఆళ్ళ నాగేశ్వరరావు గారు

7.

***************

1

 * రంజాన్ మహిమ *

... కోరాడ నరసింహా రావు !

      ******************

 నియమాలతో కూడుకున్న దీక్షలనేకం... అన్నిమతములలోనూ !

 ఏ మతం చెప్పినా.... 

   మనిషి జీవనం సుఖానంద సంతోషాలతో గడవటానికేగా !మహమ్మదీయుల ప్రవక్త చెప్పిన మంచిలో..., ఖురాన్ ఉపవాసాలు, నియమాలు ప్రాశస్త్యమై ఈ నాటికీ భక్తి శ్రద్దలతో మహ్మదీయులచే ఆచరింపజేయుటే కదా దాని గొప్పతనం !

      సూర్యోదయమునుండి... సూర్యాస్తమయమువరకూ... మంచినీళ్ళైనా ముట్టక నెలరోజులు ఉపవాసదీక్షను కొనసాగించటం అంటే, మాటలుచెప్పేసినంత సులువు కాదుగా... ఆచరించటం... !అసత్య మాడకుండుట... 

  పరస్త్రీలను కామదృష్టితో... 

      చూడకుండుట.... !

 ఇతరులకెవరికైనా చేతనైన మంచినే చేయుట...., ఎన్నెన్ని మంచి మంచి విషయాలు పొందుపరచబడినాయి, !!ఏ మత గ్రంధం చెప్పినా ఈ మంచినే గాకచెడునే మతగ్రంధమైనా చెప్పిందా ?!హింసకు పాల్పడమని ఏ మతమైనా ఉపదేశించిందా !? 

   మతం చెప్పిన మంచిని ఆత్మశుద్ధితో ఆచరిస్తున్నవారెందరు, ఏ మతంలోనైనా.సరే .... !

  అలా అందరూ ఆచరించగలిగితే... ఈ కుమ్ములాటలు, మారణహోమాలూ జరిగేవా !

  హే అల్లాహ్... ముస్లిం మిత్రుల ఉపవాస దీక్షలు ఫలించి, వారందరికీ మంచి జరిగేట్టు అనుగ్రహించు !

ఆనందోత్సాహాలతో సోదరులు

రంజాన్ వేడుకలు కేవలము ధనికులకే గాక, పేదలకు ను....ఆనంద - సంతోషాలను 

ప్రసాదించు అల్లాహ్ !ఖుదాఫీస్... !

       ****************

2

[20/04, 8:25 pm] Vinjamoori Surya Laxmi Poetess: కవితాగానం ( సీజన్‌ 4 ) 20/4/2023/ గురువారము

" రంజాన్‌ పండుగను పురస్కరించుకొని "

  " రంజాన్‌ పండుగ విశిష్టత "

                      (1)

సీ ! రంజాను పండుగ రమణీయమనగాను

ముక్తిదాయకమగు ముక్తినొసగు

నీతిమార్గమునందు నిలిపేటిపండుగ

ఆధ్యాత్మికతనంత నందజేయు

సద్గుణములన్ని చక్కగపెంచును

ప్రవచనములవిన్న పరవసించు

ఉపవాసదీక్షను నుల్లాసముగజేయు

నెలరోజులన్నియు నేర్పుతోడ

ఆ ! మతమునందు దెలుపు మంచితనముచూడ

మంచిభావములును మదినిచేరు

పేదధనికులన్న బేధములేకుండ

ధార్మికగుణములును దరికిచేరు !

                      (2)

సీ ! నింగినినెలవంక తొంగిచూచినచాలు

నుత్సాహమంతయు నురకలేయు

ఆత్మలోమలినాలు నావిరికాగాను

నెలదినములదీక్ష నెగిరిపోవు

పరమాత్మరూపము పదిలపరచగానె

మమతానురాగాలు మదినపొంగు

ఆకలిదప్పుల నన్నియు మరిపించు

ఆధ్యాత్మచింతన నలవడగను

ఆ ! చెడుతలపులనన్ని చెంతకుచేరక

మంచితలపులన్ని మదిని నిండు

పండుగదినమనుచు పదిమందిచేరగ

దివ్యమగుఖురాను దీసిచదువు !

    తరణికంటి సూర్యలక్ష్మి .

                   ****

3

[20/04, 8:26 pm] సింగీతం సంతోష్ కుమార్: కవితా గానం సీజన్ 4 

తేది:-20-04-2023

కవి పేరు:- సింగీతం సంతోష్ కుమార్

ఊరు:-కామారెడ్డి

చరవాణి :-8897152205

అంశం:- రంజాన్ సందేశం

శీర్షిక:- పవిత్ర మాసం

_______________________________

ముస్లిం సోదరులు అతి పెద్ద పండుగ

ముప్పైరోజుల పాటు కొనసాగిన ఉపవాస దీక్ష

పవిత్ర దివ్యఖురాన్ అవరించిన మాసం

క్రమశిక్షణ,దాతృత్వం,ధార్మిక చింతన కలయిక రంజాన్

అద్బుతమైన కలిగించే మాసం

చిన్న,పెద్ద,యువకుడు, వృద్దుడు అని లేకుండా

భగవంతునికే అంకితమై

నీరు తాగకుండా

పొద్దున,సాయంత్రంవేళలో మసీదులలో

నిరంతరం ఖురాన్ పఠిస్తూ 

పాలనను పాటిస్తూ

క్రమశిక్షణ ఐక్యమత్యం తో పేదవారికి,వస్త్రాలు,పండ్లు, పైసలు,ఆహార పదార్థాలు దానం చేస్తూ

ఆపదలో ఉన్న వారికి ఆదుకున్న ఎలా మానవాళికి ఇచ్చే గొప్పనైన సందేశం

సహాయానిక,సమైక్యతకు సామరస్యానికి,కరుణకు,

సర్వమానవ సమానత్వానికి

ప్రతీక

రంజాన్ పండుగ......

____________________________

హామి పత్రం:- ఈ కవిత నా స్వీయ రచన అని......

4

[20/04, 8:33 pm] Veera Gudipally: రంౙాన్

***********-

పవిత్ర మాసమంటే

ప్రతేటా 

పదిరోజులు ముందుకు జరుగుతూ

యాడాదంతా పవిత్రమని చాటి

అన్నీ మంచిరోజులని చెప్పిన

పండగది

పవిత్ర గ్రంథం

ప్రవక్త ద్వారా ప్రకటించిన కాలమది

మానవాళి

మనుగడనే శాసించిన శాసనం

నమ్మకానికి రూపమిస్తే

రంౙాన్

ప్రేమను ఆచరణలో చూడాలంటే

రంౙాన్

ఎడారి జీవితాలలో వసంతాలు

పంచాలన్నా

రంౙాన్

తీర ప్రాంతంలో

తిప్పలు తప్పించాలన్నా

రంౙాన్

అంతే...

ఆధ్యాత్మిక మార్గానికి.....

ఆఖరి ప్రయత్నం

 ఖురాన్..

మనం కోరుకున్న దివ్య వాణి..... 

మనకందిన మాసం

రంౙాన్...

.... వీరా గుడిపల్లి

5.

శీర్షిక :*ఆధ్యాత్మిక తరంగం*

నెలవంక కోసం

ఆకాశమంత ఎదురుచూపులు.....

నెల రోజుల రోజా..

సమస్త మానవాళికి..

 నేర్పే పాఠాలెన్నని చెప్పడం...

ఆకలి దప్పులకతీతుల్ని

చేసే...

ఆ దీక్షలన్నీ

నిగ్రహపు స్వీయసమీక్షలవడం కోసమనీ..

ఉన్నా లేకున్నా..

 చేసే 

దానం.....

నిత్యజీవన విధానమవాలనీ..

ప్రవక్త ప్రవచనాలను మది మదిలో పదిలపరచి 

మానవతను మేల్కొలిపే

సంప్రదాయమవాలనీ...

అందించే సందేశాలేమని చెప్పడం......

సానుకూల భావనా 

వనంలో విహరింపజేసే 

పవిత్ర మాసమనీ 

వరాల వసంతమనీ..

రంజాన్ అంటే..

ఋజుమార్గంలో

పయనించమనే 

కాంతి పుంజం 

విలువల దర్పణం 

స్వయంసమర్పణం 

అంతరంగాన సద్గుణాలను ధ్వనింపజేసే

ఆధ్యాత్మికతరంగం 

********శివునూరి లలితా కృష్ణ

6

కవితాగానం సీజన్ 4

తేది :20/04/2023

కవి పేరు : ఆళ్ల నాగేశ్వరరావు

ఊరు :తెనాలి

జిల్లా : గుంటూరు

చరవాణి :7416638823

అంశము : రంజాన్ విశిష్టత

శీర్షిక :

      "" సమతా మమతల వెలుగులు ""

మతాలసారం మానవత్వమని

మనిషికి ముఖ్యం సోదరతత్వమని

ప్రభోదించిన

సృష్టికర్త అల్లా విరచిత ఖురాన్ పవిత్ర గ్రంధాన్ని

పవిత్ర రంజాన్ మాసంలో

అనుదినము నిర్మల మనస్కులై పారాయణ గావిస్తూ

దైవ ప్రార్ధనతో నమాజు చేసుకుంటూ

కనీసం లాలాజలాన్ని కూడా మింగకుండా కఠిన ఉపవాస దీక్షను ఆచరిస్తూ

దీనజనులకు ఉడుతాభక్తితో సాయమందిస్తూ

కారుణ్యాన్ని మనోఫలకంపై ముద్రించుకుంటూ

సమాజ సేవలో రంజాన్ మాసపు దినాల్ని గడుపుతూ

ప్రకృతిలోని అణువణువునూ దైవ చింతనతో నింపుతూ

చెడులను తరిమెసేందుకు కళ్ళకు పరదాలను వేసుకుంటూ

కళ్ళకు కట్టిన అహంకారపు పొరలను తొలిగించుకుంటూ

హృదయమనే ప్రమిదలో

మానవత్వమనే తైలంపోసి

దాత్రుత్వమనే దివ్వెను వెలిగించి

జగతిని సమతా మమతల వెలుగులతో నింపే

రంజాన్ పర్వదినాన్ని ఈడ్ ముబారక్ అంటూ

హిందూ ముస్లిం భాయ్ భాయ్ అంటూ స్వాగతిద్దాం!

*************************

***************